اجمل الابيات بالعاميه المصريه للشاعراحمد الهمامى

من طرف sarahsleem الجمعة أبريل 02, 2010 11:03 pm

المظــــــاهره ماشــــيه يا بني وملكش دعــوه بيــها

لا تخــــــش فيــها ولا تقول كفايه ولا تعـدي جنبيــها

وامشــــــــي زي أبــوك جنب الحيطـان وفي السلـيم

لا تقول غلــط ولا تشتكي أما البلد فليها رب يحميها

وآه

حمــــــــــار وحاسب نفسه على البقر

عشـــــــان مـــا ياكل معاهم هبر هبر

نساه غباؤه إن الحمار بيتركــب وبس

أما البـــــــقر بيسمنوه لجــل ما يتنحر

وآه

حاسب م الموت واعمل له 1000 حساب

دا حــــــقيقه مذكوره ومكتوبه في كـل كتاب

لو جــــــــــــِه أوانه مـــين اللي هيـــقوله لأ

وساعــــــتها عَمَـلَك رفيقك للجنه أو للعذاب

وآه

3 ضــــراير متضررين من بعلـــهم

عايشين في بيت واحد لممهم كلهـم

اتجمــــــــــــعوا واتفــــقــــوا يجننوه

كيــــــد النــسا غلبه وآه من كيدهــم

وآه

ضـــــريح لست وقـــالوا عنها مـــبروكه

واللي تزورها تلقى كل عقادها مفــكوكه

أنــــا روحـــت أزورها ودعــيت وقـــلـت

يا رب خــــــايفه تبــقى الست مســكوكه

وآه

* * *

يــــــاما صادفت في سكـتي خوازيق

وصادفت برضـه عــصافير وزقازيق

عــــــــــرفت دُول وعـــــــاشرت دُول

بس الـــــــمهـــم إنـي فهمت الطريق

وآه

سمعت طفل بيقول لأخــــوه

ملكــــش دعوه باللي قالُـوه

ده الأب والأم مـــهما قالـوا

بيقولوا عكس اللي بيعملوه

وآه

جــــــالك أوان وعــرفت قيمتي

وعرفت معنى صبري وصـمتي

دا مكنش ضــعف وأَدِيك عرفت

أنا أد إيــــــــه حبي وغـــلاوتي

وآه

الكـــــــــــــــون دا كله أنا لــيا حــق فــيه

مــــــش بس وطــني الـلي اتولدت علـــيه

أنــــــــا ليا حـــق في كل شبر في الدنــــيا

ومعرفش حبسني في الحدود عشان ايه؟

وآه

ميـــــــــــن اللي ماسمعش عنك أو شـاهد إنجازاتك

يا ســـــــادات يا سابق عصرك ياللي خسرنا بمماتك

وحتى لو قالوا إنك غلطْت كتير مين اللي مغلطشي؟

واهُـــــه جِه أوان واللي عادوك أهُم حلفوا بحيـاتك

وآه

فــــــــوق الجبل مــن أعـــلى نقـــطه

شوفت النجوم والسدوم ولمحت قطه

يا هـــل ترى مين اللي رمـــاها هـنا

هربــــانه من كلــب ولا جايه غلـطه

وآه

نــــظرت فوق لم وصـلت لأي شـيء

نظرت تحت كنت هغرق في الــغريق

يا هــــــــل ترى في حــــــدود لنظري

ولا أنـــــــــا اللـــي ضليت الطـــريق

وآه

بــــــلــــبل وطــــاير في الســـما بيغني

بيقول يا ليل ويقول يا عين علــى فنـي

بس جــــمهوره فوق السحاب محــدود

إمـا الطـــــيور إما النجوم يا إمـا جني

وآه

من طرف **osasa** الخميس أبريل 08, 2010 1:04 pm

ماشاء الله عليك أختي

حلوه الابيات

وننتظر جديدك
Laughing

اجمل الابيات بالعاميه المصريه للشاعراحمد الهمامى

اجمل الابيات بالعاميه المصريه للشاعراحمد الهمامى

رد: اجمل الابيات بالعاميه المصريه للشاعراحمد الهمامى